عالمی شہرت یافتہ پاکستانی گلوکار راحت فتح علی خان کی ایک پرانی ویڈیو سوشل میڈیا پر وائرل ہو رہی ہے جس میں وہ بالکل بالی ووڈ اداکار اجے دیوگن کی طرح دکھائی دی رہے ہیں۔

ماضی میں راحت فتح علی خان کے گھنے بال ہوا کرتے تھے اور جو ویڈیو ان کی وائرل ہو رہی ہے اس میں باقاعدہ انہوں نے فلمی ہیرو جیسا ہیئر اسٹائل بھی بنوایا ہوا ہے۔

سوشل میڈیا پر زیر گردش راحت فتح کی ویڈیو دیکھ کر سوشل میڈیا صارفین انہیں اجے دیوگن کا ہمشکل قرار دے رہے ہیں۔

گلوکار کی ویڈیو 90 کی دہائی کی ہے اور بعض سوشل میڈیا صارفین ویڈیو کو اے آئی پر مبنی قرار دے رہے ہیں جبکہ بہت سے لوگوں کا کہنا ہے کہ یہ ویڈیو بالکل اصلی ہے۔

وائرل ویڈیو میں راحت فتح علی خان تیری نظر نے محبتوں کا گلاب کھلا دیا دل گا رہے ہیں اور سوشل میڈیا صارفین پاکستانی گلوکار کو اجے فتح علی خان کے نام سے پکار رہے ہیں۔

سوشل میڈیا صارفین کے تبصروں پر ایک نظر ڈالیں۔