مقبول بالی ووڈ اداکارہ شردھا کپور کی ایک ویڈیو سوشل میڈیا پر صارفین کی توجہ کا مرکز بن رہی ہے جس میں انہیں موبائل فون سے اخروٹ توڑتے ہوئے دیکھا گیا۔

اداکارہ کے پرستاروں کو یہ بات معلوم نہیں کہ انہوں نے آخر اپنے فون سے اخروٹ کیوں توڑے؟

فوٹو اینڈ ویڈیو شیئرنگ ایپلیکیشن انسٹاگرام پر اداکارہ کی ایک ویڈیو اپ لوڈ کی گئی جس میں وہ موبائل فون لاؤنچ کی تقریب میں شریک ہوئیں، جس میں اداکارہ موبائل فون کو ہتھوڑے کی طرح استعمال کرتے ہوئے ٹیبل پر رکھے اخروٹ توڑتی دکھائی دیں۔

ایونٹ انتظامیہ کی جانب سے اداکارہ کو یہ ٹاسک سونپا گیا کہ وہ موبائل فون کی مدد سے اخروٹ توڑ کر دکھائیں، شردھا نے چیلنج کو قبول کرتے ہوئے اخروٹ توڑنے کا آغاز کیا۔

ویڈیو میں دیکھا جا سکتا ہے کہ شردھا کپور نے جب تمام اخروٹ موبائل فون سے توڑ دئے تو انہوں نے وہاں بیٹھے لوگوں کو فون دکھایا جو اپنی بالکل ٹھیک حالت میں تھا۔

ٹاسک مکمل کرنے کے بعد شردھا کپور کا کہنا تھا کہ اس موبائل ڈیوائس سے کچن میں کام کرنے والی ہماری ماؤں کو کافی مدد مل سکتی ہے۔

مذکورہ ویڈیو تیزی سے سوشل میڈیا پر وائرل ہوگئی۔