راولپنڈی کے تھانہ نیو ٹاؤن میں سانحہ 9 مئی سے متعلق درج مقدمہ میں ملزمان سے ضبط شدہ اشیاء تھانے سے غائب، اور فروخت ہونے کا انکشاف ہوا ہے۔

ملزمان کے بینک ڈیبٹ اور کریڈٹ کارڈ، موبائل فونز بھی تھانہ سے غائب ہیں۔

اس حوالے سے اے ٹی سی کے جج ملک اعجاز آصف کے حکم پر مقدمہ درج کرلیا گیا۔

مقدمے کے متن کے مطابق 9 مئی کو گرفتار ملزمان سے ضبط 33 اشیاء تھانے میں موجود نہیں ہیں، اشیاء کانسٹیبل صداقت احمد نے مارکیٹ میں فروخت کر دیں۔

متن کے مطابق ملزمان کی گاڑیوں کی رجسٹریشن بکس، برطانوی ورک ویزہ، قومی شناختی کارڈز تھانے سے غائب ہیں۔