وزیر اعلیٰ سندھ سید مراد علی شاہ کا کہنا ہے کہ صدر مملکت آصف علی زرداری کی دعوت پر داؤدی بوہرہ برادری کے روحانی پیشوا سیدنا ڈاکٹر مفضل سیف الدین سندھ کا دورہ کریں گے۔

وزیراعلیٰ ہاؤس سندھ کے ”ایکس“ اکاؤنٹ پر جاری ایک پیغام میں بتایا گیا کہ ’وزیر اعلیٰ سندھ مراد علی شاہ نے اسمبلی کو بتایا داؤدی بوہرہ برادری کے روحانی پیشوا سیدنا ڈاکٹر مفضل سیف الدین صدر پاکستان آصف علی زرداری کی دعوت کے جواب میں سندھ کا دورہ کریں گے‘۔

یہ پہلا موقع نہیں کہ داؤدی بوہرہ برادری کے روحانی پیشوا سندھ کا دورہ کریں گے۔

انہوں نے گزشتہ سال نومبر میں بھی کراچی کا دورہ کیا تھا۔