پشاور کے باچا خان ایئر پورٹ پر ایف آئی اے امیگریشن نے جنسی ہراساں کرنے کے ملزم کو وطن واپسی پر گرفتار کرلیا۔ زبیر پر فیس بک کے ذریعے خاتون کی نازیبا تصویریں شیئر کرنے کا الزام ہے۔

زبیر نے مبینہ طور پر متاثرہ خاتون کو واٹس ایپ کے پیغامات کے ذریعے دھمکیاں بھی دیں۔ اس نے مذموم مقاصد کے تحت شکایت کنندہ کی تصویریں اور ویڈیوز ریکارڈ کی تھیں۔

ملزم قابلِ اعتراض مواد کے ذریعے خاتون کو بلیک میل کر رہا ہے۔ بعد میں وہ پکڑے جانے کے خوف سے بیرونِ ملک فرار ہوگیا تھا۔

زبیر کے خلاف ایف آئی اے سائبر کرائم سرکل ایبٹ آباد میں مقدمہ درج تھا۔ مزید قانونی کارروائی کے لیے ملزم کو ایف آئی اے سائبر کرائم سرکل ایبٹ آباد کے حوالے کردیا گیا۔

یہ بھی پڑھیں :

مشہور زمانہ سیریز ’اسکوئڈ گیم‘ کے بزرگ اداکار جنسی ہراسانی پر جیل بھیج دیے گئے

آن لائن جنسی ہراسانی اور قابل اعتراض تصاویر کی تشہیر پرخاتون سمیت دو افراد کو سزائیں

ماہا علی کاظمی نے علی نور پر جنسی ہراسانی کا الزام عائد کر دیا