امیشا پٹیل، جو آخری بار 2001 میں فلم ”غدر“ کے سیکوئل ، بلاک بسٹر “غدر 2 “ میں نظر آئی تھیں۔ وہ خواہ اسکرین سے دور کیوں نہ ہو، لیکن وہ اس بات کو یقینی بناتی ہیں کہ وہ اپنے مداحوں کو اپنی روز مرہ کی اپ ڈیٹس سے آگاہ کرتی رہیں اور سوشل میڈیا کے ذریعہ ان کے ساتھ رابطے میں رہیں۔

ایکس (سابقہ ٹویٹر) پر ایک تفریحی اے ایم اے سیشن میں ، ”کہو نا پیار ہے“ کی اداکارہ نے مداحوں کے سوالوں کا کھل کر جواب دیا،اور اپنی شادی کے بارے میں بھی بتایا۔

ایک ایکس صارف نے امیشا سے پوچھا کہ، ان کا پسندیدہ اسٹار کڈ کون ہے؟ تو انہوں نے ایک لمحہ ضائع کیے بغیر جواب دیا کہ، میرے لیے بالی ووڈ میں سب سے خوبصورت بچے ہمیشہ کرینہ کے بیٹے تیمور اور شاہ رخ خان کے ابراہم رہے ہیں۔ یہ دونوں بہت خوبصورت ہیں۔

بگ باس میں حصہ لینے کے بارے میں ایک مداح کے سوال کا جواب دیتے ہوئے انہوں نے کہا ، میں کئی سال پہلے بگ باس میں مالکن کی حیثیت سے تھی۔ گھر کے اندر، میرے لئے اس زندگی میں رہنا ممکن نہیں ہے۔ میں اندر جانے کے بجائے لندن میں گھومنا اور خریداری کرنا پسند کروں گی۔

گووندا نے 19 سالہ لڑکی سے شادی کو خفیہ کیوں رکھا تھا؟

جب ایک مداح نے مذاق میں کہاکہ، امیشا اور سلمان خان دونوں غیر شادی شدہ ہیں اور کیا مستقبل میں دونوں کی شادی کا امکان ہے تو، 49 سالہ اداکارہ نے مذاق اڑاتے ہوئے کہا کہ، سلمان کی شادی نہیں ہوئی ہے اور نہ ہی میں شادی شدہ ہوں؟ تو کیا آپ کو لگتا ہے کہ ہمیں شادی کرنی چاہیے؟ ہمارے لیے شادی کرنے کے لیے اہم نکتہ کیا ہے۔ شادی یا فلمی پروجیکٹ؟

اداکارہ نے یہ بھی انکشاف کیا کہ وہ شادی کرنے کے لئے تیار ہیں، لیکن دولہا تلاش کرنے سے قاصر ہیں۔ ’’لڑکا نہیں مل رہا ہے۔ میں طویل عرصے سے تیار ہوں،‘‘ انہوں نے کہا۔