بلدیہ عظمیٰ کراچی اور کے الیکٹرک کے مابین معاہدہ ہوگیا جس کے تحت کے الیکٹرک میونسپل یوٹیلیٹی چارجز و ٹیکس (ایم یو سی ٹی) وصول کرسکے گی۔

کراچی کے میئر بیرسٹر مرتضیٰ وہاب نے کہا ہے کہ میونسپل یوٹیلٹی چارجز اور ٹیکس کے لیے بلدیہ عظمیٰ کراچی اور کے الیکٹرک کے درمیان بنیادی معاہدہ طے پاگیا۔ مذکورہ ٹیکس کی عدالتی فیصلے کے مطابق وصولی سے متعلق سٹی کونسل میں قرارداد پہلے ہی منظور کی جاچکی ہے۔

کراچی: مالی معاملات میں مداخلت، میونسپل کمشنر کے ایم سی کا ٹاؤنز چیئرمینز اور ٹاؤنز کمشنرز کو خطوط

کراچی کے میئر کا کہنا ہے کہ اس ٹیکس کی مخالفت کرنے والے شہر کے دوست نہیں۔ غریب یا کم آمدن والے گھریلو صارفین کو 100 یونٹ تک چھوٹ دی گئی ہے۔

علاوہ ازیں 101 یونٹ سے 200 یونٹ تک 20 روپے، 201 سے 300 یونٹ تک 40 روپے، 301 سے 400 یونٹ تک 100 روپے، 401 سے 500 یونٹ تک 125 روپے، 501 سے 600 یونٹ تک 150روپے، 601 سے 700 یونٹ تک 175 روپے اور 700 سے زائد یونٹ استعمال کرنے والے صارفین پر 300 روپے یوٹیلیٹی کی مد میں واجب الادا ہوں گے۔

کے ایم سی ایک روپیہ بھی اکٹھا کرے گی تو وہ کراچی کے کام آئے گا، مرتضیٰ وہاب

کمرشل بجلی استعمال کرنے والے صارفین کی تمام کیٹیگریز پر 400 روپے لاگو کیے گئے ہیں۔ صنعتی صارفین کی تمام کیٹیگریز پر بھی 400 روپے لاگو کیے گئے ہیں۔