کراچی میں مرطوب موسم رہنے کے بعد گزشتہ رات شہر کے مضافات میں ہلکی بارش ہوئی اور اب محکمہ موسمیات نے پیش گوئی کی ہے کہ شہر قائد میں آج شام یا رات میں آندھی اور گرج چمک کے ساتھ بارش ہوسکتی ہے۔

محکمہ موسمیات نے آئندہ 24 گھنٹے کے دوران موسم گرم اور مرطوب رہنے کی بھی پیشگوئی کی ہے جبکہ شہر میں کم سے کم درجہ حرارت 30.5 ڈگری سینٹی گریڈ ریکارڈ کیا گیا۔

محکمہ موسمیات کے مطابق کراچی میں زیادہ سے زیادہ درجہ حرارت 36 سے 38 ڈگری سینٹی گریڈ کے درمیان رہنے کا امکان ہے جبکہ فضا میں نمی کا تناسب 75 فیصد ہے۔