وزیر اطلاعات پنجاب عظمیٰ بخاری کا کہنا ہے کہ صوبے میں عید پر عوام کو صاف ستھرا ماحول فراہم کیا گیا، مریم نواز نے ثابت کردیا کہ انہیں حکم پر عملدرآمد کروانا آتا ہے، روٹی پیکج ہو یا رمضان پیکج، مریم نے کرکے دکھا دیا۔

لاہور میں صوبائی وزیر بلدیات ذیشان رفیق کے ہمراہ پریس کانفرس کرتے ہوئے عظمیٰ بخاری نے کہا کہ ہم نے ٹرانسپورٹر سے پیسے واپس مسافروں کو دلوائے، مریم نواز جو ٹھان لیتی ہیں وہ کرکے ہی دم لیتی ہیں، ٹرانسپوٹرز نے مسافروں کو 14 لاکھ روپے واپس کیے۔

انہوں نے کہا کہ فری وائی فائی کی سہولت کو مزید وسعت دی جائے گی۔

ان کا کہنا تھا کہ مخالفین آج بھی دھمکیوں کی سیاست کررہے ہیں، گرڈ اسٹیشنز بند کرنا 2014 کے دھرنے کی تربیت کا نتیجہ ہے، ہم چاہتے ہیں خیبرپختونخوا کے عوام بھی خوشحالی دیکھیں۔

اس موقع پر وزیر بلدیات ذیشان رفیق نتے میڈیا سے گفتگو کرتے ہوئے کہا کہ عید کے موقع پر سب نے دن رات کام کیا، عید پر صفائی ستھرائی کے بہترین انتظامات کیے گئے، مریم نواز نے بیٹی کی طرح پنجاب کو صاف کیا، بکرا منڈیوں میں بھی انتظامات قابل تعریف تھے۔