ایتھلیٹ ارشد ندیم ایک بار پھر انجری کا شکار ہوگئے ہیں، ارشد ندیم مسل پل ہونے کے باعث فن لینڈ میں ہونے والی تھروئنگ چیمپئن شپ میں حصہ نہیں لیں گے۔

اطلاعات کے مطابق ٹریننگ کے دوران ارشد ندیم کی دائیں پنڈلی کا مسل پل ہوگیا جس کی وجہ سے ڈاکٹرز نے ارشد ندیم کو دو ہفتے آرام کا مشورہ دے دیا ہے

ڈاکٹرز کے مطابق ارشد ندیم دوہفتے بعد تھرو کرنے کے قابل ہوجائیں گے۔ ارشد ندیم کو آج علی الصبح فن لینڈ روانہ ہونا تھا ۔

ارشد ندیم جولائی میں پیرس میں شیڈول ڈائمنڈ لیگ میں حصہ لیں گے ۔ ایتھلیٹ ارشد ندیم پیرس اولمپکس میں بھی اپنے جوہر دکھائیں گے.