لاس اینجلس میں امریکی صدر جو بائیڈن کی انتخابی مہم کے لیے عطیات جمع کرنے کا ایونٹ اس وقت تھوڑا سا دُھندلا گیا جب غزہ کی صورتِ حال پر احتجاج کرنے والوں نے اُس تھیٹر پر دھاوا بول دیا۔

مظاہرین نے بینرز اٹھا رکھے تھے جن اسرائیل کی مذمت کرتے ہوئے مطالبہ کیا گیا تھا کہ فلسطینیوں کے قتلِ عام کا باعث بننے والی سرمایہ کاری روکی جائے۔ مظاہرین کو پیکاک تھیٹر سے دور رکھنے کے لیے لاس اینجلس پولیس ڈپارٹمنٹ سے بھاری نفری طلب کی گئی تھی۔

لاس اینجلس پولیس ڈپارٹمنٹ نے ایک بیان میں بتایا کہ مظاہرین کو پیکاک تھیٹر سے دور رکھنا لازم تھا کیونکہ اس میں امریکی صدر کے علاوہ سیاست اور شوبز کی معروف شخصیات مدعو کی تھیں۔

اس تقریب میں صدر بائیڈن نے سابق امریکی صدر براک اوباما اور چند دوسری معروف شخصیات کو مدعو کیا تھا۔ ایونٹ کے ذریعے 2 کروڑ 80 لاکھ ڈالر جمع کیے جانے کی توقع تھی۔ پیکاک تھیٹر کے اس پروگرام میں شرکت کا ٹکٹ 250 سے 5 لاکھ ڈالر تک کا تھا۔

صدر بائیڈن کی اس تقریب میں براک اوباما کے علاوہ جولیا رابرٹس، جارج کلونی، جیسن بیٹمین، جیک بلیک، کیتھرین ہین اور شیرل لی رالف نے بھی شرکت کی۔