گلشن اقبال میں پان کی دکان میں ڈکیتی کے ملزم ڈی ایس پی ظفر جاوید اور اُس کے بیٹے فہد جاوید کو جوڈیشل مجسٹریٹ شرقی کی عدالت میں پیش کیا گیا۔

تفتیشی افسر نے عدالت سے ملزمان کے جسمانی ریمانڈ کی استدعا کی جسے قبول کرتے ہوئے عدالت نے ملزمان کو تین روزہ جسمانی ریمانڈ پر پولیس کے حوالے کردیا۔

عدالت نے آئندہ سماعت پر اس مقدمے کے حوالے سے پیش رفت رپورٹ جمع کرانے کی بھی ہدایت کی ہے۔

پیٹرول پمپ پر سکیورٹی گارڈ سے گولی چل گئی، 4 سالہ بچہ جاں بحق

تفتیشی افسر کا کہنا تھا کہ ڈی ایس پی کا بیٹا باپ کی پولیس موبائل لے کر لُوٹ مار کرتا تھا۔ اس کیس میں ایک ملزم مفرور ہے۔ اس کی گرفتاری کی کوشش کی جارہی ہے۔

یاد رہے کہ اس واقعے کی سی سی ٹی وی فوٹیج سوشل میڈیا پر وائرل ہوئی تھی۔ مقدمہ گلشن اقبال پولیس اسٹیشن میں درج کیا گیا تھا۔

پان کی دکان میں ڈکیتی کی واردات کے حوالے سے پہلے کہا گیا تھا کہ ڈی ایس پی کا بیٹا باپ کی گاڑی لے کر وارداتیں کرتا ہے مگر بعد میں تفتیشی ذرائع نے انکشاف کیا کہ ڈی ایس پی خود وارداتیں کرتا تھا۔