بھارتی اداکارہ اور ماڈل سونم باجوہ نے اپنے سوشل میڈیا انسٹاگرام اکاؤنٹ پر ایک ویڈیو ریل شیئر کی ہے، جس میں پاکستان کے اسٹار فاسٹ بولر نسیم شاہ ایک بچے کو ملاقات کے دوران روتے ہوئے دیکھ رہے ہیں۔

اداکارہ کی جانب سے شیئر کی گئی ویڈیو کلپ میں نوجوان پاکستانی فاسٹ بولر نسیم شاہ کو چھوٹے مداح کے پاس پہنچتے اور آٹوگراف پیش کرتے ہوئے دیکھا جا سکتا ہے۔ نسیم شاہ نے بچے سے کہا کہ، میں بابر اعظم کا آٹو گراف بھی دے سکتا ہوں۔

کیا اداکارہ اسلام قبول کرنے والی ہیں؟ سناکشی کا آڈیو میسج لیک ہو گیا

بالی ووڈ اداکارہ سونم باجوہ نے نسیم شاہ کے ہمدردانہ طرز عمل کو سراہتے ہوئے اسے سفید دل کے ایموجی کے ساتھ ”بہت کیوٹ“ قرار دیا۔

پنجابی اداکارہ کی جانب سے پاکستانی کرکٹر کی مہربانی پر تعریف نے سرحد پار کے مداحوں اور میڈیا اداروں کی توجہ حاصل کرلی۔

چھوٹے مداح کے ساتھ نسیم شاہ کی میٹھی بات چیت کو سوشل میڈیا پر بڑے پیمانے پر سراہا گیا ہے ، بہت سے لوگوں نے ان کی عاجزانہ فطرت اور اپنے مداحوں کے ساتھ رابطہ قائم کرنے کی صلاحیت کی تعریف کی ہے۔