مختلف شہروں کے کامرس چیمبرز نے شرح سود کے انٹرسٹ ریٹ کو سنگل ڈجٹ پر لانے کا مطالبہ کر دیا۔

لاہور چیمبر کے صدر کاشف انور کا کہنا ہے کہ یہ معاشی بہتری کی جانب پہلا قدم ہے، انٹرسٹ ریٹ کم ہونے سے کاروباری لاگت میں کمی آئے گی، لیکن ابھی بھی انٹرسٹ ریٹ کے مزید کم ہونے کی ضرورت ہے۔

انہوں نے کہا کہ انٹرسٹ ریٹ کو سنگل ڈجٹ میں لانا ہوگا تاکہ معاشی حالات بہتر ہوں۔

جبکہ صدر کراچی چیمبر افتخار احمد شیخ نے بھی اس بات پر زور دیا کہ اسٹیٹ بینک پالیسی ریٹ کو سنگل ڈیجٹ پر لائے، شرح سود میں معمولی کمی کچھ مایوس تاہم درست سمت میں پہلا قدم ہے،1.5 فیصد کی معمولی کمی کا اعلان کچھ مایوس کن ہے۔

افتخار احمد شیخ کا مزید کہنا ہے کہ تاجر برادری کم از کم 4 سے 5 فیصد کی خاطر خواہ کمی کی توقع کر رہی تھی، اسٹیٹ بینک نے مانیٹری پالیسی میں 150 بیسس پوائنٹس کی نرمی کا فیصلہ کیا ہے۔

انھوں نے امید ظاہر کی کہ یہ نقطہ نظر بتدریج شرح سود کو سنگل ڈیجٹ تک لاتا رہے گا، بلیک مارکیٹنگ،ڈالر کی غیر قانونی خریدوفروخت کیخلاف کریک ڈاؤن سے روپے میں استحکام آیا ہے جبھی شرح سود میں کمی، درست سمت میں پہلا قدم ہے۔