امریکا میں شاہین شاہ کو بھارتی مداحوں نے گھیر لیا، ’بھارت کے خلاف اچھی باؤلنگ مت کرنا‘
پاکستانی فاسٹ باؤلر شاہین آفریدی کو نیویارک میں موجود بھارتی شائقین نے گھیر لیا جس کے بعد انہوں نے شاہین سے دلچسپ فرمائش کردی۔
خیال رہے پاکستانی کرکٹ ٹیم بروز اتوار 9 جون کو بھارت کے ساتھ مدمقابل ہونے جا رہی ہے جس کے لیے پاکستانی کھلاڑی نیویارک پہنچ چکے ہیں۔
اسی دوران نیویارک میں بھارتی فینز نے پاکستان کے فاسٹ بولر شاہین آفریدی سے ملاقات کی، وہ شاہین کو اپنے درمیان دیکھ کر خوشی سے نہال ہوگئے جس کی ویڈیو سوشل میڈیا پر وائرل ہو رہی ہے۔
بھارتی فینز کا کہنا تھا کہ وہ خاص طور پر بھارتی پنجاب سے یہ اہم میچ دیکھنے امریکا آئے ہیں۔ مداحوں نے شاہین آفریدی سے درخواست کی کہ آپ نے بھارت کے خلاف اچھی بولنگ نہیں کرنی، میچ میں روہت اور ویرات کو اپنے اچھے دوست سمجھیں۔
Comments are closed on this story.