حال ہی میں لوک سبھا انتخابات میں کامیابی سمیٹنے والی کنگنا رناوت پر بھارتی ایئرپورٹ پر حملہ کا گیا تھا، جس کے بعد اب معروف بھارتی گلوکار تھپڑ مارنے والی پولیس اہلکار کے حق میں بول پڑے ہیں۔

بھارتی میڈیا کے مطابق گزشتہ دنوں چندیگڑھ ائیرپورٹ پر سی آئی ایس ایف کی خاتون اہلکار کے اداکارہ اور سیاستدان کنگنا رناوت پر تھپڑ مارنے پر انہیں معطل کیا گیا تھا۔

جس پر اب معروف بھارتی گلوکار وشال ددلانی کی جانب سے پولیس اہلکار کے حق میں پوسٹ کیا گیا ہے۔

انسٹاگرام پر اسٹوری شئیر کرتے ہوئے وشال کا کہنا تھا کہ میں کبھی بھی تشدد کا حامی نہیں ہوں، تاہم میں سی آئی ایس ایف کی خاتون اہلکار کا غصہ سمجھ سکتا ہوں۔

الیکشن جیتنے والی کنگنا رناوت کو سکیورٹی اہلکار نے تھپڑ رسید کردیا

گلوکار کا مزید کہنا تھا کہ اگر سی آئی ایس ایف کی جانب سے کوئی قدم خاتون اہلکار کے خلاف اٹھایا گیا تو میں اس بات کو یقینی بناؤں گا کہ ایک اور نوکری اس کا انتظار کر رہی ہو اور وہ اسے قبول کرے۔

واضح رہے خاتون اہلکار کلوندر کور کی جانب سے بھارتی پنجاب میں کسانوں کے خلاف بیان دینے پر اداکارہ کو تھپڑ رسید کیا تھا۔

سوشل میڈیا پر اداکارہ کو تھپڑ رسید کرنے کی ویڈیو جنگل میں آگ کی طرح پھیل گئی تھی، جبکہ کئی بالی وُڈ ستارے اداکارہ کے حق میں بیاناتا دیتے دکھائی دیے ہیں۔