سوشل میڈیا پر شہرت پانے والے چاہت فتح علی خان کے ٹرینڈ کرتے گانے ”اکھ لڑی بدو بدی“ کو یو ٹیوب نے ڈیلیٹ کردیاہے۔

چاہت فتح علی خان نے گذشتہ ماہ اپنے آفیشل یو ٹیوب چینل پر اپنا گانا ”بدو بدی“اپلوڈ کیا تھا، جس نے دیکھتے ہی دیکھتے نہ صرف پاکستان ،بلکہ بھارت،میں بھی خوب شہرت حاصل کی۔ بین الاقوامی سطح پر ٹرینڈ کرتے اس گانے پر سوشل میڈیا صارفین، ڈیجیٹل تخلیق کار اور گلوکار ریلزبھی بنا رہے تھے لیکن اب یہ گانا یوٹیوب چینل سے ڈیلیٹ ہوگیا ہے۔

بدو بدی ماڈل کے الزامات کے بعد چاہت فتح علی کے مداحوں نے ان کی حمایت کردی

میڈیا رپورٹس کے مطابق یوٹیوب چینل نے کاپی رائٹ کی وجہ سے اس گانے کو ڈیلیٹ کیا ہے۔

چاہت فتح علی خان کا یہ گانا نہ صرف یو ٹیوب بلکہ سوشل میڈیا کے دیگر ذرائع ٹک ٹاک اور انسٹاگرام پر بھی ٹرینڈ بنا ہوا تھا اور اسکے 27 ملین سے زیادہ ویوز آچکے تھے۔

خیال رہے کہ چاہت فتح علی خان سے قبل ملکہ ترنم نور جہاں نے سال 1973 میں ریلیز ہونے والی فلم ’بنارسی ٹھگ‘ کے لیے گانا ’اکھ لڑی بد وبدی‘ گایا تھا۔