کراچی میں گلبرگ کے نجی اسپتال میں ڈاکٹر کی مبینہ غفلت سے بچی جاں بحق ہوگئی۔ بچی کی ہلاکت پر ورثا کے احتجاج کرنے پر ڈاکٹرز فرار ہوگئے۔

بچی کے اہلخانہ کا کہنا ہے کہ جاں بحق بچی عائرہ کو گزشتہ روز صبح 10 بجے اسپتال منتقل کیا گیا تھا، بچی کو ڈی ہائڈریشن کی شکایت پر اسپتال منتقل کیا گیا تھا۔

انہوں نے بتایا کہ بچی کے موت کے 2 گھنٹے تک ہمیں نہیں بتایا گیا، بچی کو غلط انجکشن لگایا جس سے موت ہوئی۔ دوسری جانب پولیس نےاسپتال سے ڈاکٹر اور ایڈمنسٹریٹر کو حراست میں لے لیا۔