عالمی مارکیٹ میں سونے کی قیمت میں اضافے کے ساتھ مقامی مارکیٹ میں بھی فی تولہ سونے کی قیمت میں معمولی اضافہ ریکارڈ کیا گیا۔

سونے کی مقامی اور بین الاقوامی قیمتوں میں اضافہ ہوگیا، سونے کی فی تولہ قیمت میں 700 روپے کا اضافہ ہوا، جس کے بعد ملک میں فی تولہ سونا 2 لاکھ 41 ہزار روپے کا ہوگیا۔

10 گرام سونا 600 روپے مہنگا ہوا ہے جس کے بعد 10 گرام سونے کی قیمت 2 لاکھ 6 ہزار 619 روپے ہوگئی۔

سونے کی عالمی قیمت 10 ڈالر بڑھ کر 2 ہزار 336 ڈالر فی اونس ہوگئی جبکہ پاکستان میں سونے کی عالمی قیمت 20 ڈالر پریمیئم شامل کرکے 2336 ڈالر فی اونس ہے۔