بہروز سبزواری اور جاوید شیخ گذشتہ دنوں مدیحہ نقوی کے شو کے مہمان تھے اور انہوں نے سائرہ یوسف کے ساتھ اپنی خاندانی رویے اور تعلق کے بارے میں بات کی۔

بہروز سبزواری اور سفینہ بہروز کا ایک خوبصورت خاندان ہے۔ حالات اس وقت خراب ہوئے جب ان کے بیٹے شہروز سبزواری نے سائرہ یوسف کو طلاق دی۔ سائرہ اور شہروز کی ایک بیٹی نورے ہے، جو ہمیشہ خاندان کی پہلی ترجیح رہی ہے۔

بعد ازاں شہروز سبزواری نے ماڈل صدف کنول سے شادی کی اور اب ان کی ایک بیٹی زہرہ شہروز ہے۔

یہ خاندان ایک خوبصورت انداز میں گھل مل گیا ہے اور ان سب نے نورے کو اپنی پہلی ترجیح کے طور پر رکھا ہے۔ اور یہ ہر اس خاندان کے لیے مثال ہے ، جو اسی طرح کی کیفیت سے گذر رہا ہو۔

بہروز نے بتایا کہ کس طرح انہوں نے اپنے بیٹے کو زندگی کے ساتھی کے انتخاب پر کبھی دباؤ نہیں ڈالا۔ انہوں نے ناظرین کو بھی یہ مشورہ دیا کہ وہ اپنے بچوں کو ان کی پسند کے مطابق انتخاب کا حق دیں۔

انہوں نے مزید کہا کہ سائرہ ایک عظیم خاتون ہیں اور وہ اب بھی ان کی بیٹی کی طرح ہیں۔

جاوید شیخ نے انکشاف کیا کہ جب سائرہ عمرہ سے واپس آئی تو بہروزخود سائرہ کو لینے ایئر پورٹ گئے تھے۔ اور زہرہ ان کے ساتھ تھی۔

اس موقع پر بہروزسبزواری نے کہا کہ، زہرہ نورے اور سائرہ دونوں سے بہت مانوس ہے اور ممی (وہ سائرہ کو کہتی ہے) کے ساتھ گھنٹوں گزارتی ہے۔ جبکہ صدف نے بھی کبھی اس پر کوئی اعتراض نہیں کیا۔