کوئٹہ میں یوسی سنجدی کے کوئلہ کان میں دم گھٹنے سے 11 افراد جاں بحق ہو گئے ۔

چیف مائنزانسپکٹرکوئٹہ کےمطابق واقعہ گیس لیکج کے سبب پیش آیا۔

جاں بحق افراد میں 9 مزدور، ایک ٹھیکیدار اور ایک مائن منیجر شامل ہے، تمام جاں بحق افراد کا تعلق سوات سے ہے۔

چیف مائنز انسپکٹر عبدالغنی بلوچ کا مزید بتانا تھا کہ یوسی سنجدی کوئٹہ شہر سے 40 کلو میٹر دور ہے، نماز جنازہ کے بعد میتوں کو آبائی علاقے روانہ کیا جائیگا۔

کان حادثے کی ابتدائی رپورٹ

محکمہ مائینز اینڈ منرل نے کان حادثے کی ابتدائی رپورٹ جاری کر دی۔ ابتدائی رپورٹ کے مطابق کان میں زہریلی گیس پھیلنے سے ہوئی۔

ترجمان صوبائی حکومت کے مطابق واقعہ نجی مائنز کمپنی کی کوئلہ کان میں پیش آیا۔ جبکہ محکمہ مائینز بلوچستان کا کہنا ہے کہ واقعہ کی رپورٹ 24 گھنٹے میں پیش کردی جائے گی۔

وزیراعظم کا اظہارِ افسوس

وزیراعظم نے سنجدی میں 11 افراد کی ہلاکت پر افسوس کا اظہار کرتے ہوئے کہا کہ دکھ کی اس گھڑی میں سوگوار خاندانوں کے ساتھ کھڑے ہیں۔

وزیراعظم نے زخمیوں کو ہر ممکن طبی امداد فراہم کرنے کی ہدایت بھی کی