ٹی 20 ورلڈ کپ کا آغاز ہو چکا ہے۔ اور تمام ٹیمیں اس اعزاز کو حاصل کرنے کے لئے میدان میں آچکی ہیں۔

ورلڈ کپ کے لیے کرکٹ کی دنیا کے تمام بڑے نام جمع ہو چکے ہیں۔ پاکستان کرکٹ کھیلنے والے دنیا کے سب سے بڑےممالک میں سے ایک ہے اور پاکستانی اس ٹرافی کو اٹھانے کا منظر دیکھنے کے منتظر ہیں۔

پاکستان کرکٹ بورڈ پی سی بی نے ٹیم کا حوصلہ بڑھانے کے لیےخصوصی ترانہ ”ساڈی واری اوئے“ جاری کر دیا ہے۔ ترانہ عارف لوہار، علی عظمت اور نہال نسیم نے گایا ہے۔ ترانہ پاکستانی شائقین کے جذبے کو مد نظر رکھ کر ترتیب دیا گیا ہے، جو ہر وقت پاکستانی ٹیم کے ساتھ کھڑے ہیں اور اپنی ٹیم کو کامیابی سے ہمکنار ہوتا دیکھنا چاہتے ہیں۔ تاکہ وہ بھی اس جیت کا جشن منائیں۔

یہ ترانہ توانائی اور جوش سے بھر پور ہے اور امکان ہے کہ لوگوں کو ورلڈ کپ کے لئے پرجوش بنائے گا۔