بلوچستان کے ضلع دُکی میں ٹرائیبل کول مائنز ایریا پر مسلح افراد کی فائرنگ سے 2 مزدور جاں بحق اور ایک زخمی ہوگیا۔

بلوچستان کے ضلع دکی کے ٹرائبل کول مائنز ایریا پر مسلح افراد نے حملہ کردیا، فائرنگ سے 2 مزدور جاں بحق اور ایک زخمی ہوگیا۔

دکی پولیس کے مطابق مسلح افراد کا سول سیکیورٹی اہلکاروں کے ساتھ فائرنگ کا تبادلہ بھی ہوا، جوابی فائرنگ کے بعد حملہ آور فرار ہوگئے۔

جاں بحق ہونے والوں میں کریم اللہ دولت زئی اور نعیم ولد جلات خان قوم سلیمان خیل شامل ہیں، جن میں سے ایک کوئلے کی کان انجن ڈرائیور تھا۔

زخمی کی شناخت فضل الرحمان ولد عبد الغنی کے نام سے ہوئی ہے جبکہ لاشیں اور زخمی کو سول اسپتال دکی منتقل کر دیا گیا۔