شرقپورشریف میں پنجاب فوڈ اتھارٹی نے کارروائی کرتے ہوئے مردہ مرغیوں کی سپلائی ناکام بنا دی۔

پنجاب فوڈ اتھارٹی کی کارروائی کے دوران مردہ مرغیوں سے بھری گاڑی لاہور جڑانوالہ روڈ پر پکڑی گئی۔ گاڑی سے 800 کلو مردہ مرغیاں برآمد کرلی گئی جبکہ 3 ملزمان کو گرفتار کرکے مقدمہ درج کرلیا گیا۔

پکڑی گئی مردہ مرغیاں مارکیٹ میں فوڈ پوائنٹس پر سپلائی کی جانی تھیں، مردہ مرغیاں موقع پر موجود افسران کی موجودگی میں تلف کر دی گئیں۔