کراچی کے علاقے پٹیل پاڑہ میں فائرنگ سے پولیس اہلکار قمر جاں بحق ہوگیا۔ ایک موٹر سائیکل پرسوار دو ملزمان نے فائرنگ کی۔ فائرنگ سے ہوٹل پر کھانا کھانے والے پانچ افراد نشانہ بنے۔

عینی شاہدین کے مطابق ملزمان نے ہیلمٹ پہنے ہوئے تھے۔ پولیس کو جائے وقوع سے پستول کے پانچ خول ملے ہیں۔ ہوٹل کے مالک نے بتایا کہ ملزمان نے اندھا دھند فائرنگ کی۔

اس واقعے میں پولیس اہلکار کے جاں بحق ہونے کے علاوہ تین افراد زخمی بھی ہوئے۔ پولیس کا کہنا ہے کہ یہ ٹارگٹ کلنگ کا واقعہ ہے۔

دوسری طرف کراچی ہی کے علاقے پاک کالونی پولیس سرچ آپریشن کر رہی ہے۔ چھاپے کے دوران ملزمان نے پولیس پر فائرنگ کی تھی۔ دیر تک فائرنگ کا تبادلہ ہوتا رہا۔

ایس ایس پی فیضان علی نے بتایا کہ پولیس کی اضافی نفری طلب کرلی گئی ہے۔