دلجیت دوسانجھ ایک بھارتی پنجابی گلوکار اور اداکار ہیں جنہوں نے بہت سے پاکستانی فنکاروں کے ساتھ کام کیا ہے اور انہیں یہاں اتنا ہی پیار کیا جاتا ہے جتنا انہیں ہندوستان اور بیرون ملک میں پسند کیا جاتا ہے۔ یہ اسٹار ہندی اور پنجابی دونوں زبانوں میں کئی ہٹ فلمیں دینے کے لئے جانا جاتا ہے۔

دلجیت دوسانجھ کی آنے والی فلم ”جٹ اینڈ جولیٹ3“ سینما گھروں میں ریلیز ہونے کے لئے تیار ہے۔ یہ فلم ایک لو اسٹوری ہے ، جسے کامیڈی انداز میں پیش کیا گیا ہے۔

جی میں رب ہندا “جٹ اینڈ جولیٹ 3 “کا نیا گانا ہے اور اس میں کوئی اور نہیں، بلکہ پاکستانی اسٹار بلال سعید شامل ہیں۔ اس گانے کو بلال سعید کی آواز کے ساتھ انتہائی رومانٹک انداز میں فلمایا گیا ہے۔

جی میں رب ہندا کی شوٹنگ بیرون ملک ایک خوبصورت مقام پر کی گئی ہے۔

سوشل میڈیا صارفین کی بڑی تعداد اس گانے کے بول سے بہت زیادہ خوش نہیں ہیں۔ گر چہ یہ گانا کل ہی سامنے آیا ہے اور اسے صارفین کی کڑی تنقید کا سامنا کرنا پڑ رہا ہے۔