بالی ووڈ اداکار ارجن کپور اور ملائکہ اروڑا نے اپنے رشتے کو ختم کر دیا ہے۔ بریک اپ کی خبروں کے درمیان ، اداکارہ نے اپنی انسٹاگرام اسٹوری پر ایک خفیہ نوٹ شیئر کیا۔

نوٹ میں پیارے رشتوں کی اہمیت کی طرف اشارہ کیا گیا تھا۔ انہوں نے اپنی پوسٹ میں لکھا کہ، صبح بخیر۔ زمین پر سب سے بڑا خزانہ وہ لوگ ہیں، جو ہم سے محبت کرتے ہیں اور ہماری حمایت کرتے ہیں۔ انہیں خریدا یا بدلا نہیں جا سکتا، اور ہم میں سے ہر ایک کے پاس ان میں سے صرف چند ہی ہیں۔

کیا ارجن کپور اور ملائکہ اروڑا کے درمیان علیحدگی ہوگئی ہے؟

بھارتی میڈیا نے خبر دی تھی کہ اداکاروں نے اپنے الگ راستے اختیار کرنے کا فیصلہ کیا ہے۔

بھارتی ذرائع کے مطابق ارجن کی باڈی لینگویج کو دیکھتے ہوئے اور وہ اس وقت کس طرح ہیں، یہ ہوا ہے۔ وہ اتنے طویل عرصے سے ڈیٹنگ کر رہے ہیں۔ لہذا، یہ بہت پرامن، باوقار اور قابل احترام رہا ہے۔ ملائکہ اور ارجن اب بھی ایک دوسرے کے ساتھ دوستانہ تعلقات رکھتے ہیں۔

کیا ارجن کپور اور ملائکہ اروڑا اب ایک ساتھ نہیں

ارجن کپور اور ملائکہ اروڑا نے 2018 میں ایک دوسرے کو ڈیٹ کرنا شروع کیا تھا۔ تاہم انہوں نے 2019 میں ارجن کپور کی سالگرہ پر اپنے تعلقات کو عام کیا۔ اداکارہ نے انسٹاگرام پر ان کی خوبصورت تصاویربھی شیئر کی تھیں۔

واضح رہے کہ ملائکہ نے اس سے قبل اداکار ارباز خان سے شادی کی تھی۔ انہوں نے 2017 میں طلاق لے لی تھی ۔ان کا ایک بیٹا ارہان خان ہے۔

گزشتہ سال دسمبر میں ارباز خان نے میک اپ آرٹسٹ شوریٰ خان سے اپنے قریبی دوستوں اور اہل خانہ کی موجودگی میں شادی کی تھی۔

ملائکہ اروڑہ نے مختلف ڈانس شوز میں جج کےفرائض انجام دیے ہیں، جن میں ”انڈیاز بیسٹ ڈانسر“، ”نچ بلیے“، ”جھلک دکھلا جا“ اور ”زارا ناچ کے دکھا“ شامل ہیں۔

دوسری جانب ارجن کپور ویلکم 3 اور سنگھام اگین میں اداکاری کے جوہر دکھانے کے لیے تیار ہیں۔ روہیت شیٹی کی ہدایت کاری میں بننے والی اس فلم میں وہ اجے دیوگن، اکشے کمار، دپیکا پڈوکون، کرینہ کپور، رنویر سنگھ اور ٹائیگر شروف کے ساتھ نظر آئیں گے۔