یمنیٰ زیدی جہاں پاکستانی ڈراموں میں چھائی ہوئی تھیں وہیں اب ان کی فلم نے بڑا کمال کر دیا۔

پاکستانی شوبز اداکارہ یمنیٰ زیدی کی پہلی فلم ’نایاب‘ نے دنیا کے سب سے بڑے فلمی ایونٹ ’کانز فیسٹیول‘ میں دھوم مچا دی۔

ڈرامہ تیرے بن سے مقبولیت حاصل کرنے والی اداکارہ یمنیٰ زیدی کی فلم “ نایاب “کو کانز فلم فیسٹیول میں دو بڑے اعزازات سے نوازا گیا۔اس بڑی کامیابی کی خبر اداکارہ نے اپنے سوشل میڈیا اکاؤنٹ انسٹاگرام پر پوسٹ کی۔

یمنیٰ زیدی کی جانب سے انسٹاگرام پوسٹ میں فلم ’نایاب‘ کو دئے گئے اعزازات کی تصاویر شامل کی گئیں اور پوسٹ کے کیپشن میں فلم کی پوری ٹیم کو اس کامیابی پر مبارکباد بھی پیش کی۔

نایاب کو ’بہترین بین الاقوامی فلم ’ کے ایوارڈ سے نوازا گیا جبکہ بیسٹ فرسٹ ٹائم فلم میکر فلم کے ہدایتکار عمیر ناصر علی اپنے نام کر بیٹھے۔

واضح رہے یمنیٰ زیدی کی فلم نایاب رواں برس 26 جنوری کو ریلیز کی گئی۔