پی ٹی آئی کو اسلام آباد میں روات جی ٹی روڈ پر 8 جون کو 39 شرائط کی بنیاد پر جلسے کی اجازت دے دی گئی۔

پی ٹی آئی کو اسلام آباد میں جلسے کی اجازت نہ دینے سے متعلق توہین عدالت کیس کی سماعت چیف جسٹس اسلام آباد ہائی کورٹ نے کی۔ ڈپٹی کمشنر اسلام آباد نے پی ٹی آئی کی درخواست پر فیصلہ کرکے روات جی ٹی روڈ پر جلسے کی اجازت سے متعلق عدالت کو آگاہ کیا۔

پی ٹی آئی نے اسلام آباد میں جلسے کی اجازت مانگی لی

شعیب شاہین نے مؤقف اپنایا کہ ہم تو چاہتے ہیں ایف نائن پارک میں جلسے کی اجازت دی جائے۔ عدالت نے کہا کہ آپ چاہیں تو فریش پٹیشن دائر کر کے انتظامیہ کا حکم چیلنج کر سکتے ہیں۔ عدالت نے پی ٹی آئی کی جلسے کی اجازت سے متعلق درخواست نمٹا دی۔

جلسےمیں ریاست مخالف نعرے بازی، تقریرنہیں ہوگی، نوٹی فکیشن

بعدازاں ضلعی انتظامیہ نے جلسے کیلئے این او سی جاری کردی جس میں کہا گیا کہ پی ٹی آئی کو8 جون کو جلسے کی اجازت ہوگی۔

نوٹی فکیشن میں پی ٹی آئی کو 39 شرائط کے ساتھ جلسےکی اجازت دی گئی ہے۔ نوٹی فکیشن کے مطابق جلسہ مقررہ وقت پر ختم کرنا ہوگا، جلسےمیں ریاست مخالف نعرے بازی، تقریرنہیں ہوگی، سیکیورٹی کی ذمہ داری تحریک انصاف پرعائد ہوگی، کسی قسم کہ ہلز بازی کی اجازت نہیں ہوگی اور سرکاری املاک کو نقصان نہیں پہنچایا جائےگا۔