راولپنڈی پولیس کے سب انسپکٹر نے پولیس اصلاحات ہوا میں اڑا دیئے، خاتون سائلہ کے سامنے پولیس افسر کی غیر مناسب لباس میں تصویر وائرل ہو گئی ۔

انچارج چوکی کی سائلہ کے سامنے غیر مناسب لباس میں تصویر سامنے آ گئی ۔ سب انسپکٹر اعجاز گھمن تھانہ ائیرپورٹ کی گلریز چوکی کے انچارج ہیں۔

تصویر میں اعجاز گھمن کو سفید رنگ کی بنیان میں خاتون سائلہ کا مسئلہ سنتے دیکھا جا سکتا ہے ۔ سب انسپکٹر کے غیر مناسب لباس سے تھانے آنے والے سائلین نے بھی غم و غصے کا اظہار کیا ۔

وائرل تصویر پر سب انسپکٹر کا موقف بھی سامنے آگیا ۔ سب انسپکٹر کے مطابق رات 2 بجے 15 پر کال موصول ہوئی تھی ساتھی سب انسپکٹر خاتون کا مسئلہ سننے کے بجائے سیدھا میرے کمرے میں لے آیا تھا ۔