جدید دور میں بھی پولیس کی پرانی خستہ حال موبائل کراچی میں حادثے سبب بن گئی، ڈی ایس پی کمپلین سیل سینٹرل محمد معین ناردرن بائی پاس پر حادثےمیں بال بال بچ گئے۔

کراچی کی سڑکوں پر ٹوٹی پھوٹی بنا وائرلیس کے دوڑتی موبائلیں حادثات کا سبب بننے لگیں۔ ڈی ایس پی کمپلینٹ سیل سینٹرل محمد معین ٹریفک حادثے سے بچ گئے۔

ناردرن بائی پاس پر پولیس موبائل کی خستہ حالی کے سبب چلتی گاڑی کا بونٹ اڑگیا ۔ کراچی پولیس کے افسر نے ویڈیو بیان کے ذریعے گاڑی میں وائر لیس سسٹم نا ہونے کا شکوہ بھی کیا۔

پولیس افسر کا کہنا ہے کہ کئی بار افسران سے موبائل ناکارہ ہونے کا شکوہ کرچکے ہیں لیکن کوئی شنوائی نہیں ہو رہی ہے۔