کوہاٹ بورڈ کے زیر انتظام ہونے والے گیارہویں اور بارویں جماعت کے امتحانات میں پرچوں کے آؤٹ ہونے کا سلسلہ آج بھی جاری رہا۔ آج دس بجے شروع ہونے والا بیالوجی فرسٹ ائیر کا پرچہ پونے نو بجے آؤٹ ہوگیا۔

کوہاٹ بورڈ منیجمنٹ کی نااہلی کھل کر سامنے آگئی بورڈ کے زیر انتظام ہونے والے امتحانات میں آج بیالوجی فرسٹ ائیر کا پرچہ شروع ہونے سے ایک گھنٹہ قبل آؤٹ پرچہ نجی تعلیمی اداروں کے باہر فوٹو سٹیٹ کی دکانوں پر دستاب ہیں۔

پرچے کے ہمراہ حل شدہ پیپر بھی موجود ہے۔ واضح رہے کہ گزشتہ روز سیکینڈ ائیر کا پرچہ بھی قبل ازوقت آؤٹ ہوا تھا اور دیگر پرچہ جات بھی آؤٹ ہوئے تھے۔