چلتے طیارے کے انجن کی زد میں آکر ایک شخص جاں بحق ہوگیا۔

غیر ملکی میڈیا رپورٹس کے مطابق نیدرلینڈ کے ایمسٹرڈیم ہوائی اڈے شیفول پر روانہ ہونے والے مسافر طیارے کے گھومتے ہوئے ٹربائن بلیڈ میں گر کر ایک شخص جاں بحق ہوگیا۔

رپورٹ کے مطابق مذکورہ شخص طیارے KLM Cityhopper Embraer E190 کے انجن میں کھینچتا چلا گیا اور جاں بحق ہوگیا۔

ائیرپورٹ حکام نے بتایا کہ تفتیش میں ابھی تک اس بات کی نشاندہی نہیں ہو سکی ہے کہ یہ شخص کون تھا۔

ترجمان نے مزید کہا کہ یہ کہنا قبل از وقت ہے کہ آیا یہ حادثہ ہے یا پھر خودکشی۔

انہوں نے مزید کہا کہ طیارے میں موجود تمام مسافر اور عملے کے ارکان کو بحفاظت نکال لیا گیا۔