مشہور بھارتی کامیڈین اور مشہور شو بگ باس 17 کے فاتح منور فاروقی کی دوسری شادی کی خبریں زیر گردش ہیں۔

بھارتی میڈیا رپورٹس کے مطابق منور فاروقی کا نکاح ماہ جبین کوٹ والا نامی لڑکی سے رواں ماہ ہوا۔ ماہ جبین ایک میک اپ آرٹسٹ ہیں۔

میڈیا رپورٹس میں بتایا گیا تھا کہ منور فاروقی نے اپنی شادی کو خفیہ رکھا ہے اور ان کی شادی کی تصاویر بھی سوشل میڈیا پر موجود نہیں۔

لیکن اب انہوں نے انسٹاگرام پر اپنی اہلیہ کے ساتھ تصاویر شئیر کی ہیں۔

منور فاروقی کی دوست اداکارہ حنا خان نے ان کی شادی کی تقریب میں شرکت کی تھی۔

حنا خان نے انسٹاگرام اسٹوریز پر منور فاروقی کی تصاویر ایک ویڈیو کی صورت میں شیئر کی تھی جس کے عقب میں ’میرے یار کی شادی ہے‘ کا گانا چل رہا ہے۔

انڈیا ٹوڈے کی رپورٹ کے مطابق منور فاروقی کا پہلی اہلیہ سے ایک بیٹا ہے جبکہ ماہ جبین کوٹ والا بھی دس سالہ بیٹی کی والدہ ہیں۔