اسلام آباد ہائیکورٹ کے احاطے میں بشری بی بی کے سابق شوہر خاور مانیکا پر کیے جانے والے سے متعلق پی ٹی آئی رہنماؤں نے کہا کہ خاورمانیکا نےعدالت میں نا مناسب الفاظ کا استعمال کیا، خاورمانیکا نےعدالت میں فحش باتیں کیں، انصاف کےمنصب پربیٹھ کرججزکوانصاف کرنا چاہیے۔

سینیٹر شبلی فراز کے ہمراہ پریس میڈیا سے بات کرتے ہوئے چیئرمین پی ٹی آئی بیرسٹرگوہر نے کہا کہ عدت میں نکاح کیس کا فیصلہ نہ سنانا پہلے سے طے شدہ منصوبے کا حصہ تھا، جج پر کیس نہ سننے کے لیے دباؤ ڈالا گیا۔

بیرسٹر گوہر نے کہا کہ خاور مانیکا نے عدالت میں نامناسب الفاظ کا استعمال کیا، جج صاحب کو کہا گیا آپ یہ کیس نہ سنیں۔

شبلی فراز نے کہا کہ خاورمانیکا نےعدالت میں فحش باتیں کیں، انصاف کےمنصب پربیٹھ کرججزکوانصاف کرناچاہیے،سیاسی طورپربنائےگئےکیسزمیں تاخیری حربےاستعمال کیےجارہےہیں۔

انہوں مزید کہا کہ جنہوں نےخواتین پرجھوٹےسیاسی کیس بنائےاس سےخواتین کی توہین ہوئی، عدالتوں پریقین ہے، ہمیں ضرور انصاف ملے گا۔

ان کا کہناتھا کہ عدالت سیاسی بنیادوں پر بنائے گئےکیسز کو ختم کریں، دیرہو یا جلدی بانی پی ٹی آئی سرخرو ہونگے، ہمارا مشن بانی پی ٹی آئی،بشریٰ بی بی کی رہائی ہے،عمر ایوب