پنجاب پولیس اور انٹر پول نے مشترکہ کارروائی کے دوران خواجہ سرا کو قتل کرنے والا اشتہاری ملزم سعودی عرب سے گرفتار کرلیا۔

صفیان علی نے 2020 میں کامونکی میں خواجہ سرا عثمان عرف پیا کو قتل کیا تھا۔ ملزم واردات کے بعد بیرون ملک فرار ہوگیا تھا۔

سعودی عرب کی پولیس سے رابطہ کاری کے بعد ملزم کو گرفتار کرکے پاکستان منتقل کردیا گیا۔ پولیس کی ایک ٹیم نے لاہور کے علامہ اقبال ایئر پورت سے ملزم کو حراست میں لیا۔