فیصل آباد کے تاجروں نے تربوز میں انجکیشن کے زریعے لال رنگ ڈالنے کے حوالے سے ویڈیو بنانے پر ڈاکٹر عفان قیصر کو 10 ارب روپے ہرجانے کا نوٹس بھجوا دیا ہے۔

ڈاکٹر عفان قیصر نے اپنی ایک حالیہ ویڈیو میں ”ملاوٹ والے تربوزوں“ کا مسئلہ اٹھایا تھا، انہوں نے ویڈیو میں بتایا کہ جعل ساز کس طرح انجیکشن میں مضر صحت لال رنگ بھر کر اسے تربوزوں میں داخل کرتے ہیں اور عوام اسے پھل کے میٹھے ہونے کی علامت کے طور پر قبول کرتے ہیں۔

چند دن بعد، ڈاکٹر قیصر نے ایک اور ویڈیو جاری کی، جس میں آن لائن آرٹیکلز کے ذریعے اپنے دعوؤں کو درست ثابت کیا گیا اور ساتھ ہی یہ بھی بتایا گیا کہ انہوں نے کبھی بھی کسانوں پر الزام نہیں لگایا۔

نجی ویب سائٹ کے مطابق اب فیصل آباد کے تاجروں کی جانب سے ڈاکٹر عفان کے خلاف تھانہ غلام محمد میں مقدمہ درج کرنے کی درخواست بھی دی گئی ہے۔

درخواست کے مطابق ڈاکٹر عفان کے بیان سے خوف و ہراس پھیلا اور تاجروں اور زمینداروں کو اربوں روپے کا نقصان پہنچا۔