سابق ماڈل اور اداکارہ زینب جمیل نے کہا ہے کہ بیانات اور ثبوت فراہم کیے ہوئے چار دن ہوچکے ہیں مگر پولیس نے اب تک مجھ پر قاتلانہ حملہ کرانے والے میرے شوہر کو گرفتار نہیں کیا۔

سابق ماڈل اور اداکارہ کو چند روز قبل خط بھی ملا تھا۔ ذرائع بتاتے ہیں کہ خط میں اس کے شوہر کی طرف سے ممکنہ حملے کا ذکر بھی کیا گیا تھا۔

زینب جمیل نے متعلقہ اداروں سے انصاف کی فراہمی یقینی بنانے کا مطالبہ کرتے ہوئے بتایا ہے کہ شواہد کے ہوتے ہوئے اس کے شوہر کو گرفتار کرنے سے گریز کیا جارہا ہے۔ پولیس کے پاس اس کی گرفتاری کا جواز موجود ہے۔

زینب جمیل کو چند روز قبل لاہور کے علاقے ڈیفینس سوسائٹی میں گولیاں مار کر زخمی کردیا گیا تھا۔ کئی گولیاں لگنے سے اس کی حالت نازک ہوگئی تھی۔ اب اسپتال میں وہ قدرے بہتر حالت میں ہے۔

زینب جمیل پر حملے کے کیس میں پولیس نے اس کے ڈرائیور سمیت دو افراد کو حراست میں لے کر ان سے پوچھ گچھ کی ہے۔ پولیس اب تک ایسے شواہد تک نہیں پہنچی جن کی بنیاد پر زینب جمیل کے شوہر کو گرفتار کیا جاسکے۔

یہ بھی پڑھیں :

دو  بار پلاسٹک سرجری کروانے  کے بعد اداکارہ کو پہچاننا مشکل ہوگیا

اداکارہ زینب جمیل کا دینِ اسلام کی خاطر اداکاری چھوڑنے کا اعلان