کراچی: کورنگی سعودآباد تھانے کے ایک پولیس اہلکار کی ویڈیو وائرل ہونے کے بعد پولیس افسر کی شامت آگئی۔

وائرل ویڈیو میں پولیس اہلکار کو ایک دکان سے رقم دیئے بغیر ٹیشو پیپر لے جاتے دیکھا جا سکتا ہے۔ اس معاملے پر ایس پی شاہ فیصل عبدالغفور لاکھو نے ایکشن لیتے ہوئے پولیس اہلکار کو معطل کردیا۔

مذکورہ سی سی ٹی وی فوٹیج میں دیکھا جاسکتا ہے کہ پولیس اہلکار بنا رقم دیئے ٹشو پیپر باکس دکاندار سے لے جارہا تھا۔ جس پر دکاندار نے پیسے مانگے مگر پولیس اہلکار رقم دئیے بغیر وہاں سے چل دیا۔

واقعے کی ویڈیو سوشل میڈیا پر وائرل ہوئی جس کے بعد ایس پی شاہ فیصل عبدالغفور لاکھو نے پولیس کانسٹیبل قیصر کو معطل کرکے انکوائری کا آغاز کردیا۔