مقبوضہ کشمیر کے اسیر حریت پسند رہنما یاسین ملک کی اہلیہ مشعال ملک نے بھارت سے ملاقات کروانے کا مطالبہ کردیا ہے۔

مشعال ملک نے یاسین ملک کی قید کو مزید ایک سال مکمل ہونے پر بیان دیتے ہوئے کہا کہ بھارت نے یاسین ملک کو یکطرفہ عمر قید سنائی تھی جو کہ پھانسی کی سزا میں تبدیل کردی گئی ہے۔

انہوں نے کہا کہ دس سال سے میری اور میری بیٹی کی یاسین ملک سے ملاقات نہیں کروائی گئی، دنیا کا کوئی قانون خاندان کو ملنے سے نہیں روکتا۔

مشعال ملک نے کہا کہ بھارت قیدیوں کے لیے جینیوا کنوینشن کا دستخط کنندہ ہے، لیکن آج تک بھارت کے خلاف کوئی اقدام نہیں اٹھایا گیا۔

انہوں نے مطالبہ کیا کہ اقوام متحدہ بھارت سے ملاقات کے تحفظ کا تحریری حکم نامہ لے۔