پاکستان نیوی وار کالج کے 53ویں کانووکیشن کی تقریب کا انعقاد لاہور میں ہوا،چیف آف دی نیول اسٹاف ایڈمرل نوید اشرف تقریب کے مہمان خصوصی تھے۔

ترجمان پاک فوج کے مطابق پاکستان نیوی وار کالج کے 53ویں کانووکیشن کی تقریب کا لاہور میں انعقادکیا گیا۔

تقریب کے نیول چیف ایڈمرل نویداشرف مہمان خصوصی تھے، تقریب میں 99 افسران کو ڈگریاں تفویض کی گئیں،،فارغ التحصیل افسران میں دوست ممالک کے 37 افسران بھی شامل ہیں۔

نیول چیف نے میری ٹائم سیکٹر بارے آگہی کا فروغ پاکستان نیوی وار کالج کی کوششوں کو سراہا،آخرمیں مہمان خصوصی نیول چیف نے کامیاب گریجویٹس میں ڈگریاں تقسیم کیں ،تقریب میں اعلیٰ عسکری حکام، سول معززین اور کورس ممبران کے اہلخانہ شریک تھے۔