کراچی کی ساؤتھ انویسٹی گیشن پولیس نے اپنےاغوا اور قتل کا جھوٹا ڈراما رچانے والے نوجوان کو راولپنڈی سے بازیاب کرلیا۔

غلام رسول 23 اپریل کو نواب شاہ سے کراچی آیا تھا۔ ایس ایس پی انویسٹی گیشن کا کہنا ہے کہ نوجوان کراچی آنے کے بعد لاپتا ہوگیا تھا۔

24 اپریل کو نوجوان کے والدین نے اغوا کا مقدمہ درج کرایا۔ تفتیش کے دوران پولیس کو پتا چلا کہ وہ 85 لاکھ روپے کا مقروض ہے۔

ایس ایس پی انویسٹی گیشن عبدالرحیم شیرازی نے بتایا کہ نوجوان نے اپنے فیس بک میسنجر سے اغوا کار بن کر دوستوں کو اغوا ہونے کا میسج کیا۔ جسم پرلال رنگ لگاکر قتل کا جھوٹا ڈراما بھی رچایا تاکہ قرض خواہوں سے نجات ملے۔

نوجوان نے دوستوں کو مُردہ ہونے کی تصویریں بھی بھیجیں۔ اس نے آئی جی سندھ کے استعفے کا مطالبہ بھی کیا تھا۔