پی ٹی آئی روپوش لیڈرحماد اظہر کے منظرعام پر آنے کے معاملے پر انصاف لائرز فورم پاکستان کے سیکرٹری معظم بٹ دفاع میں آگئے

معظم بٹ نے کہا کہ عدالت کے سامنے سرنڈر کرنا ہوتا ہے جب ایک شخص قانونی تقاضوں کے لیے عدالت کے سامنے پیش ہورہا ہے تو پولیس یا دیگر اداروں کو گرفتار کرنے کی کیا ضرورت ہے۔

حماد اظہر کی گرفتاری کیلئے پی ٹی آئی سیکریٹریٹ پر پولیس کا چھاپہ، اقوام متحدہ کا وفد بھی محصور

انہوں نے حماد اظہر کے طریقہ کو درست قرار دے دیا اور کہا کہ آئین اپنی آزادی کے تحفظ کا حق دیتا ہےاور عدلیہ بھی عدم تحفظ کا شکار ہے، اسکے باوجود اگر کوئی عدالت میں پیش ہوتا ہے تو اس میں کیا قباحت ہے۔

مولانا فضل الرحمان نے مشترکہ جدوجہد کے لیے تحریک انصاف سے گارنٹی مانگ لی

واضح رہے کہ گزشتہ روز پاکستان تحریک انصاف (پی ٹی آئی) کے سیکرٹری اطلاعات رؤف حسن پر حملے کے بعد روپوش پی ٹی آئی رہنما حماد اظہر بھی منظر عام پر آگئے تھے۔ ٹی وی پر حماد اظہر کی موجودگی کی خبر سنتے ہی وفاقی پولیس نے پی ٹی آئی سیکریٹریٹ پر چھاپہ مارا۔

حماد اظہر گزشتہ سال 9 مئی کے بعد سے روپوش تھے اور اب تقریباً ایک سال بعد منظرعام پر آئے ہیں۔ اس موقع پر حماد اظہر نے کہا تھا کہ مجھے بانی پی ٹی آئی عمران خان کا پیغام موصول ہوا کہ اب آپ کے باہر آنے کا وقت ہوگیا ہے اور یہاں سے پشاور جاکر قبل ازگرفتاری ضمانت لے کرعدالت پیش ہوں گا۔