ڈسٹرکٹ پولیس کی خواتین اہلکار بھی بائیک پر گشت کرنے کیلئے میدان میں آگئی، خواتین ٹریفک پولیس کے بعد ڈسٹرکٹ پولیس کی خواتین اہلکار بھی بائیک سیکھنے لگیں، خواتین پولیس اہلکار کا کہنا ہے کہ آفس آنے کے لیے اب بھائی یا والد کو نہیں بلانا پڑتا اور بسوں کے دھکے کھانے سے بھی بچ جاتے ہیں۔

پاکستان میں ہر شعبے میں جہاں خواتین اپنی صلاحیتوں کے جوہر دکھا رہی ہیں وہیں اب ڈی آئی جی ٹریفک احمد نواز چیمہ کی ہدایت پر ڈسٹرکٹ ساؤتھ اور سٹی کی خواتین پولیس اہلکاروں کو موٹر سائیکل چلانے کی ٹریننگ بھی دی جارہی ہے۔

بائیک ٹرینر سحرش ریاض کہتی ہیں پہلے میں خود ڈرتی تھی اب میں 150 چلاتی ہوں اور لڑکیوں کو سیکھاتی بھی ہوں ۔

خواتین پولیس اہلکار کہتی ہیں چھاپےکے دوران تنگ گلیوں میں بائیک پر باآسانی جاسکتے ہیں جبکہ بائیک کی وجہ سے آفس آنے کیلئے بسوں کے دھکے نہیں کھانے ہونگے۔۔

ڈی آئی جی ٹریفک کے ہیڈ کوارٹر میں اس وقت تیسرے بیچ میں بارہ لڑکیاں موٹر سائیکل سیکھ رہی ہیں۔

خواتین ٹریفک پولیس اہلکاروں کے بعد اب ڈسٹرکٹ پولیس کی خواتین اہلکار بھی بائیک پر گشت لگانے کیلئے تیار ہوگئی ہیں،، جس سے نہ صرف انکی پروفیشنل بلکہ نجی زندگی میں بھی آسانیاں پیدا ہوں گی۔