حال ہی میں مکمل سورج گرہن اور شمسی طوفان کے باعث پیدا ہونی والی آسمانی روشنیوں کے بعد اب ایک اور فلکیاتی مظہر لوگوں کو حیران کرنے کیلئے تیار ہے، ہمارے نظام شمسی کے چھ سیارے ایک قطار میں آنے کو تیار ہیں۔

”پلینیٹری الائنمنٹ“ ایک اصطلاح ہے جو نظام شمسی میں سیاروں کی پوزیشننگ کو بیان کرنے کے لیے استعمال ہوتی ہے، جیسے کہ سیدھی قطار میں آنا یا کسی مخصوص مقام سے دیکھنے پر قریب نظر آنا وغیرہ۔

لیکن سیاروں کا واقعی خلا میں ایک سیدھی لائن میں آنا دراصل ایک بصری دھوکہ ہے اور اس میں نقطہ نظر کا زیادہ کردار ہے۔

کون سے سیارے سیدھ میں دیکھے جاسکیں گے؟

عطارد، مریخ، مشتری، زحل، یورینس اور نیپچون ایک قریب سیدھی لکیر بنائیں گے، یہ اس کائناتی مظہر کو دیکھنے کا ایک غیر معمولی موقع گا۔

تاہم، زمین سے وسیع فاصلے پر ہونے کی وجہ سے، ان میں سے سب صرف آنکھ سے نظر نہیں آئیں گے۔ چاند بھی اس مظہر کی مرئیت کو خراب کرے گا۔

عطارد اور مشتری کو اپنے مدار میں سورج کے قریب ہونے کی وجہ سے آسمان میں دیکھنا مشکل ہوگا۔ تاہم، مریخ اور زحل دیکھے جاسکیں گے، لیکن بہت مدھم ہوں گے۔

دریں اثنا، دور دراز سیاروں یورینس اور نیپچون کو دیکھنے کے اعلیٰ طاقت والی دوربین کی ضرورت ہوگی۔

اگر آپ اس مظہر کو دیکھنا چاہتے ہیں تو پہلے سے اس کی تاریخ اور وقت کی تحقیق کریں۔

فلکیات کی مختلف ویب سائٹس، ایپس، اور تنظیمیں جیسے ناسا یا مقامی رصد گاہیں اکثر آنے والی صف بندی کے بارے میں تفصیلی معلومات فراہم کرتی ہیں۔

افق کو واضح، بلا روک ٹوک منظر کے ساتھ دیکھنے کی جگہ کا انتخاب کریں۔ شہر کی روشنیوں سے دور پہاڑیوں یا کھلے میدان جیسی اونچی جگہیں جہاں روشنی کم ہو، مرئیت بڑھانے کے لیے بہترین ہیں۔

اس مظہر کو دیکھنے کے اچھے تجربے کے لیے صاف آسمان ضروری ہے۔ اس بات کو یقینی بنانے کے لیے موسم کی پیش گوئی چیک کریں کہ بادل یا خراب موسم آپ کے نظارے میں رکاوٹ نہ ڈالیں۔