سوشل میڈیا پر ایک سے بڑھ کر ایک شاہانہ شادی کی تقریبات کی ویڈیوز سامنے آتی ہیں مگر برف کی چادر اوڑھے پہاڑوں پر ہونے والی اس منفرد شادی نے تمام شادیوں کے ریکارڈ توڑ دیے۔

ہر شخص پرفیکٹ شادی کرنے کا خواہشمند ہوتا ہے اور اس دن کو یادگار بنانے کے لیے کافی جتن کرتا ہے۔ کچھ بالی ووڈ کی شادیوں پر مبنی تھیمز رکھنا پسند کرتے ہیں تو کوئی سمندر کنارے شادی کی تقریب منعقد کرتا ہے۔ پاکستان میں عام طور پر بینکوئٹس ہال میں شادی رکھنے کا رواج ہے۔

مگر سوئٹزرلینڈ کے برفانی پہاڑوں پر اس دلچسپ شادی کی تقریب نے سوشل میڈیا صارفین کو حیران کر دیا۔

اسنو تھیم پر مشتمل 2 ہزار 222 میٹر کی بلندی پر منعقدہ شادی کی دلفریب تقریب میں دلہن اور دولہا نے خود کو ایک بڑے آئس کیوب میں بند کرتے ہوئے خوبصورت انٹری دی۔

شادی کی تقریب میں پر چیز کو برفانی تھیم سے سجایا گیا۔ یہاں تک کہ اسٹیج، سجاوٹ کے پھول اور تو اور شربت کے گلاس بھی برف کے کیوب میں رکھے گئے تھے۔ یوں پوری شادی برف سے ڈھکی ہوئی تھی۔

شادی کی ویڈیو فوٹو اینڈ ویڈیو شئیرنگ ایپلیکیشن انسٹاگرام پر پوسٹ کی گئی جس پر 24,000 سے زائد لائکس آچکے ہیں۔