کراچی کے علاقے شاہ لطیف ٹاؤن میں دن دیہاڑے ڈکیتی کی بڑی واردات ہوئی ہے جس میں چار مسلح ملزمان نے مارکیٹ میں موجود افراد سے لوٹ مار کی۔

تفصیلات کے مطابق ملزمان نے 20سے زائد لوگوں سےموبائل فون اور نقدی لوٹ لیے، شہری کے مطابق ہوٹل دکانوں میں موجود لوگوں سے ملزمان ڈکیتی کر کے فرارہوگئے۔

عینی شاہد کے مطابق پولیس کی رٹ ختم ہوگئی ہے مسلح ملزمان سکون سے واردات کرتے رہے، لوٹ مار کے بعد ملزمان دو موٹر سائیکلوں پر سوارہوکر فرارہوگئے۔

شہری نے بتایا کہ پولیس کو اطلاع دی گئی تو چکر لگاکرچلےگئے، پولیس شہریوں سے لوٹ مار کی کوئی رپورٹ بھی درج نہیں کی گئی۔