شوبز اسٹار مومنہ اقبال نے سماجی رابطے کی ویب سائٹ ٹوئٹر پر اپنے پیغام میں انکشاف کیا ہے کہ وہ اداکاری اور شوبز چھوڑ کر بلاگنگ میں قدم رکھنے پر غور کر رہی ہیں۔

اداکارہ مومنہ اقبال نے رواں ہفتے کے اوائل میں اپنی انسٹاگرام اسٹوریز پر کچھ ویڈیوز شیئر کیں، جس میں انہوں نے مزاحیہ انداز میں سوشل میڈیا پر اپنی مایوسی کا اظہار کیا۔اور چونکہ ان کے انسٹاگرام ہینڈل پر کافی فالوورز نہیں ہیں، اس لیے انہیں اداکاری کے لیے نہیں سمجھا جانا چاہیے اور اداکاری چھوڑ دینی چاہیے۔

مومنہ کا کہنا تھا کہ، مجھے مزید ڈرامے نہیں کرنے چاہیے، کیونکہ انسٹاگرام پر میرے صرف 10 لاکھ فالوورز ہیں۔

’احساس فرموش‘ کی اداکارہ نے مزید کہا کہ ’صبح سے کم از کم 10 افراد میرے پاس آئے ہیں اور کہتے ہیں کہ میرے صرف 10 لاکھ فالوورز ہیں۔ مجھے مزید محنت کرنی ہوگی۔ انہوں نے یہ بھی شکایت کی کہ کسی کے کام یا تجربے کی کوئی اہمیت نہیں ہے ، اور صرف جو چیز اہم ہے وہ ان کے سوشل میڈیا ہینڈلز پر فالوورز کی تعداد ہے۔

ڈرامہ سازوں کو مخاطب کرتے ہوئے اقبال نے طنزیہ انداز میں کہا کہ ’اب سے مجھے اداکاری کا کوئی منصوبہ پیش نہ کریں، کیونکہ میرے صرف دس لاکھ فالوورز ہیں۔ میں اداکاری چھوڑنے اور اس کے بجائے زندگی میں کچھ زیادہ مؤثر کرنے کے بارے میں بھی سوچ رہی ہوں، جیسے بلاگنگ۔

کام کے محاذ پر ، مومنہ اقبال کو آخری بار ڈرامہ سیریل ’احساس فراموش‘ میں فلک کا کردار ادا کرنے پر سراہا گیا تھا ، جس میں ہمایوں اشرف ، مشال خان اور سلمان سعید شامل تھے۔ انہوں نے سپرہٹ ڈرامہ ’سمجھوتہ‘ میں بھی اہم کردار ادا کیا تھا۔