وزیراعظم پاکستان شہباز شریف نے کہا ہے کہ شاہ سلمان بن عبدالعزیز کی صحت کے حوالے سے خبر کا سن کر فکر ہے، شاہ سلمان پاکستان کے مخلص دوست اور امت مسلمہ کے لیڈر ہیں، شاہ سلمان کی صحت یابی کے لیے دعاگو ہیں۔

سماجی رابطے کی ویب سائٹ ایکس (ٹوئٹر) پر اپنے ایک بیان میں وزیراعظم شہباز شریف نے کہا کہ مجھے شاہ سلمان بن عبدالعزیز کی صحت کے بارے میں گہری تشویش کے ساتھ پتہ چلا ہے، شاہ سلمان بن عبدالعزیز پاکستان کے مخلص دوست ہیں، اس کے علاوہ وہ خادم الحرمین الشریفین کی حیثیت سے پوری امت مسلمہ کے رہنما بھی ہیں۔

وزیراعظم پاکستان نے کہاکہ پاکستان کے عوام میرے ساتھ ہیں اور ہم شاہ سلمان بن عبدالعزیز کی جلد صحت یابی کے لیے دعا گو ہیں۔