جماعت اسلامی آج پشاور میں غزہ ملین مارچ کریگی، جماعت اسلامی کے امیر حافظ نعیم الرحمان کی قیادت میں مارچ کبوتر چوک رنگ روڈ میں ہوگا۔

پارٹی ترجمان کے مطابق جماعت اسلامی کے صوبائی قائدین بھی مارچ میں شریک ہونگے، غزہ ملین مارچ کا آغاز شام 6 بجے ہوگا، کارکن گاڑیوں کے قافلوں کی صورت میں مارچ میں شریک ہوں گے۔

جماعت اسلامی کے ترجمان نے ایک بیان مزید بتایا کہ غزہ ملین مارچ کے لیے انتظامات مکمل کئے جارہے، یہ مارچ صوبے کی تاریخ کا بڑا ملین مارچ ہوگا۔

جماعت اسلامی کا کہنا ہے کہ غزہ کا مسئلہ پوری امت مسلمہ اور انسانیت کا مسئلہ ہے، اسرائیلی بربریت روکنے کے عالمی طاقتوں پر دباؤ ڈالنا سب کی ذمہ داری ہے۔